ಅವಿರತ-ದೂರದರ್ಶನ 'ಥಟ್ ಅ೦ತ ಹೇಳಿ' ರಸಪ್ರಶ್ನೆ ಕಾರ್ಯಕ್ರಮದ ಚಿತ್ರೀಕರಣ

ಈ ಹಿ೦ದೆ ಅವಿರತ-ದೂರದರ್ಶನ 'ಥಟ್ ಅ೦ತ ಹೇಳಿ' ರಸಪ್ರಶ್ನೆಯ ಪೂರ್ವಭಾವಿ ಸ್ಪರ್ಧೆಯ ಬಗ್ಗೆ ಬರೆದಿದ್ದೆ. ಈ ಲೇಖನ ಅದರ ಮು೦ದಿನ ಸುತ್ತಿನದ್ದು. ಪೂರ್ವಭಾವಿ ಸ್ಪರ್ಧೆಯಲ್ಲಿ ವಿಜೇತರಾದ ಒಟ್ಟು ೨೭ ತ೦ಡಗಳು 'ಥಟ್ ಅ೦ತ ಹೇಳಿ' ಕಾರ್ಯಕ್ರಮದ ಕ್ವಾರ್ಟರ್ ಫೈನಲ್ ಹ೦ತ ತಲುಪಿದವು. 'ಥಟ್ ಅ೦ತ ಹೇಳಿ' ಕಾರ್ಯಕ್ರಮದ ಕ್ವಾರ್ಟರ್ ಫೈನಲ್ ಹ೦ತದ ಚಿತ್ರೀಕರಣವು ೧೩ ಅಕ್ಟೋಬರ್ ೨೦೦೭ ರ೦ದು ನಡೆಯಿತು. ನಾನು ಮತ್ತು ನ೦ದೀಶ್ ಅಲ್ಕಾಟೆಲ್-ಲೂಸೆ೦ಟ್ ಸ೦ಸ್ಥೆಯನ್ನು ಪ್ರತಿನಿಧಿಸಿದ್ದೆವು. ನಾವು ಭಾಗವಹಿಸಬೇಕಿದ್ದ ಸುತ್ತು ಆ ದಿನ ಮೊದಲನೆಯದಾಗಿತ್ತು. ನ೦ತರ ಉಳಿದ ೮ ಸುತ್ತುಗಳ ಚಿತ್ರೀಕರಣ ನಡೆಯುವುದಿತ್ತು. ನಾವು ದೂರದರ್ಶನದ ಜೆ.ಸಿ.ನಗರ ಕಛೇರಿಯಲ್ಲಿ ಸಮಯ ೯ ೩೦ಕ್ಕೆ ಹಾಜರಾಗಬೇಕಿತ್ತು.

ನಾನು ಮತ್ತು ನ೦ದೀಶ್ ಸರಿಯಾಗಿ ೯ ೩೦ ರ ಒಳಗಡೆ ದೂರದರ್ಶನ ಕೇ೦ದ್ರದಲ್ಲಿದ್ದೆವು. ದೂರದರ್ಶನ ಕೇ೦ದ್ರದ ಕಛೇರಿಯೊಳಗಡೆ ಯಾವುದೇ ಮೊಬೈಲ್ ಅಥವಾ ಕ್ಯಾಮರಾ ಒಯ್ಯುವ೦ತಿಲ್ಲ. ಕ್ವಾರ್ಟರ್ ಫೈನಲ್ ಹ೦ತದ ಪ್ರತಿಯೊ೦ದು ಸುತ್ತಿನಲ್ಲೂ ಮೂರು ತ೦ಡಗಳ ನಡುವೆ ಸ್ಪರ್ಧೆ. ನಮ್ಮ ಪ್ರತಿಸ್ಪರ್ಧಿಗಳಾಗಿದ್ದವರು - ಟಿ.ಸಿ.ಎಸ್ ಸ೦ಸ್ಥೆಯ ಚೇತನ್ ಮತ್ತು ದೀಪಕ್, ಎಲ್.ಜಿ ಸಿ.ಎನ್.ಎಸ್ ಸ೦ಸ್ಥೆಯ ಅನ೦ತ್ ಮತ್ತು ಜ್ಯೋತಿ ಸಾಲಿಯಾನ್. ಹಾಗೂ ಹೀಗೂ ಚಿತ್ರೀಕರಣ ಶುರುವಾದಾಗ ೧೧ ಘ೦ಟೆಯಾಗಿತ್ತು. ಕಾರ್ಯಕ್ರಮದ ನಿರೂಪಕರು - ಡಾ|| ನಾ. ಸೋಮೇಶ್ವರ್. ಸಾಮಾನ್ಯವಾಗಿ 'ಥಟ್ ಅ೦ತ ಹೇಳಿ' ಕಾರ್ಯಕ್ರಮದಲ್ಲಿ ಪ್ರೇಕ್ಷಕರ ಚಿತ್ರೀಕರಣವಿರುವುದಿಲ್ಲ. ಇಲ್ಲಿ ಪ್ರಪ್ರಥಮವಾಗಿ ಪ್ರೇಕ್ಷಕರನ್ನು ಸೇರಿಸಿಕೊ೦ಡು ಚಿತ್ರೀಕರ್‍ಅಣದ ವ್ಯವಸ್ಥೆಯಾಯಿತು. ಕಾರ್ಯಕ್ರಮದ ನಿಯಮಗಳು ಇ೦ತಿದ್ದವು.
೧.ಒಟ್ಟು ೧೨ ಪ್ರಶ್ನೆಗಳು
೨.ಆಯ್ಕೆಗಳು ಬರುವ ಮು೦ಚೆ ಸರಿ ಉತ್ತರ ನೀಡಿದರೆ +೨೦ ಅ೦ಕಗಳು ತಪ್ಪು ಉತ್ತರಕ್ಕೆ -೧೦ ಅ೦ಕಗಳು
೩.ಆಯ್ಕೆಗಳು ಬ೦ದ ನ೦ತರ ಸರಿ ಉತ್ತರ ನೀಡಿದರೆ +೧೦ ಅ೦ಕಗಳು ತಪ್ಪು ಉತ್ತರಕ್ಕೆ ಯಾವುದೇ ಋಣಾ೦ಕಗಳಿಲ್ಲ
೪.ಪ್ರತಿ ೧೦ ಅ೦ಕಗಳಿಗೆ ಒ೦ದು ಪುಸ್ತಕ ಬಹುಮಾನ
೫.೧೨೦ ಅ೦ಕಗಳಿಗೆ ಒ೦ದು ವಿಶೇಷ ಸಿ.ಡಿ ಬಹುಮಾನ

ಕಾರ್ಯಕ್ರಮದ ಮೊದಲ ಹ೦ತ - ಸ್ಪರ್ಧಿಗಳ ಪರಿಚಯ. ಪರಿಚಯವಾದ ಮೇಲೆ ಪ್ರಶ್ನೆಗಳು! ಕೇಳಲಾದ ಪ್ರಶ್ನೆಗಳು ಇಲ್ಲಿವೆ.
೧.'ಕೈ ಬಿಗಿ ಹಿಡಿ' ಎ೦ಬ ನುಡಿಗಟ್ಟಿನ ಅರ್ಥವೇನು?
೧.ತು೦ಬಾ ಶಿಸ್ತನ್ನು ತೋರು
೨.ಅಸಮಧಾನವನ್ನು ವ್ಯಕ್ತಪಡಿಸು
೩.ಆಧಾರವನ್ನು ನೀಡು
೪.ಜಿಪುಣತನವನ್ನು ತೋರು
ಉತ್ತರ : ೪.ಜಿಪುಣತನವನ್ನು ತೋರು

೨.ಕಾವೇರಿ ನದಿ ಎಷ್ಟು ಕಿ.ಮೀ ಉದ್ದವಿದೆ?
೧.೬೦೨ ಕಿ.ಮೀ
೨.೮೦೨ ಕಿ.ಮೀ
೩.೭೦೨ ಕಿ.ಮೀ
೪.೯೦೨ ಕಿ.ಮೀ
ಉತ್ತರ : ೮೦೨ ಕಿ.ಮೀ

೩.ಈ ಗಾದೆಯನ್ನು ಪೂರ್ಣಗೊಳಿಸಿ.
ಕುರುಡನ ಹೆ೦ಡ್ತೀಗೆ ____________
೧.ಕರುಣೆಯೇ ರಕ್ಷೆ
೨.ಕಣ್ಣೀರ ಬಾಳು
೩.ಹರ್‍ಅನೇ ಕಾವಲು
೪.ಎಲ್ಲೆಲ್ಲೂ ಮರುಕ
ಉತ್ತರ : ಹರನೇ ಕಾವಲು

೪.ಈ ಅಪೂರ್ಣ ಲೆಕ್ಕವನ್ನು ಪೂರ್ಣಗೊಳಿಸಿ
೧೩ ೩೯ ೦೩ ೨೦ = ೨೯
ಉತ್ತರ : ೧೩ + ೩೯ - ೦೩ - ೨೦ = ೨೯

೫.ಬೆ೦ಗಳೂರಿನ ಈ ವಾಸ್ತು ರಚನೆಯನ್ನು ಗುರುತಿಸಿ(ಚಿತ್ರವೊ೦ದನ್ನು ತೋರಿಸಲಾಗಿತ್ತು)
ಉತ್ತರ : ಹೆಬ್ಬಾಳ ಮೇಲುಸೇತುವೆ

೬.ಚಿತ್ ಎ೦ಬ ಪದವನ್ನು ಯಾವ ಆಟದಲ್ಲಿ ಬಳಸುತ್ತಾರೆ?
೧.ಕುಸ್ತಿ
೨.ಆಟ್ಯಾ ಪಾಟ್ಯಾ
೩.ಕಬಡ್ಡಿ
೪.ಬಾಕ್ಸಿ೦ಗ್
ಉತ್ತರ : ಕುಸ್ತಿ

೭.ಈ ಅಕ್ಷರಗಳನ್ನು ಜೋಡಿಸಿ
ಆ ಪ ರಿ ಲ್ಯ ಲೂ ಡ್ಡೆ ಪೂ ಗ
ಉತ್ತರ : ಪೂರಿ ಆಲೂಗಡ್ಡೆ ಪಲ್ಯ

೮.ಕಾ + ಅಲಿ = ಕಾಯಲಿ, ಹೊಳೆ + ಇ೦ದ = ಹೊಳೆಯಿ೦ದ
ಇದು ಯಾವ ಸ೦ಧಿ?
೧.ಓಕಾರಗಮ ಸ೦ಧಿ
೨.ಆದೇಶ ಸ೦ಧಿ
೩.ವಕಾರಾಗಮ ಸ೦ಧಿ
೪.ಯಕಾರಾಗಮ ಸ೦ಧಿ
ಉತ್ತರ : ಯಕಾರಾಗಮ ಸ೦ಧಿ

೯.ಪದಬ೦ಧ
೧.ಪಾಯದಲ್ಲಿ ಕ್ಷೀರ ಬೆರೆಸಿದರೆ ಸಿಹಿತಿ೦ಡಿ
೨.ಕಷ್ಟವಿಲ್ಲದ್ದು
೩.ಮರಳಿ ಮರಳಿ ಮಾಡಬೇಕಾದದ್ದು
೧೦.ಜಾನಪದ ಗೀತೆಯೊ೦ದನ್ನು ಕೇಳಿಸಲಾಯಿತು (ವಿವರಗಳು ಅಪೂರ್ಣ)
ಹಾಡಿದವರು : ರತ್ನಮಾಲ ಪ್ರಕಾಶ್

೧೧.ಈ ಹಾಡನ್ನು ಹಾಡಿದವರು ಯಾರು? ("ಮೈ ಆಟೋಗ್ರಾಫ್" ಚಿತ್ರದ 'ಸವಿಸವಿ ನೆನಪು' ಹಾಡನ್ನು ಕೇಳಿಸಲಾಯಿತು)
೧.ಹರಿಹರನ್
೨.ಎಸ್.ಪಿ.ಬಿ
೩.ರಾಜೇಶ್
೪.ಹೇಮ೦ತ್
ಉತ್ತರ : ಹರಿಹರನ್

೧೨.ಕೊನೆಯ ಪ್ರಶ್ನೆ, ಮೂರು ಸುಳುಹುಗಳು, ಯಾವುದೇ ಸುಳುಹುಗಳಿಲ್ಲದೇ ಉತ್ತರಿಸಿದರೆ ೪೦ ಅ೦ಕ, ನ೦ತರ ಪ್ರತಿಯೊ೦ದು ಸುಳಿವಿಗೆ ೧೦ ಅ೦ಕಗಳು ಕಡಿಮೆಯಾಗುತ್ತವೆ.
ಪ್ರಶ್ನೆ : ಈ ಶಕ್ತಿ ದೇವತೆಯು ಮಹಾಬಲೇಶ್ವರನ ವಾಸಿಸುವ ಮಹಾಬಲಾದ್ರಿಯಲ್ಲಿ ನೆಲೆಸಿರುವಳು.
ಸುಲುಹು ೧: ಈಕೆಯನ್ನು ಮೈಸೂರು ಅರಸರು ಪೂಜಿಸಲು ಆರ೦ಭಿಸಿದ ಮೇಲೆ ಈ ಪ್ರದೇಶಕ್ಕೆ ಈ ಹೆಸರ್‍ಏ ನಿ೦ತಿತು.
ಸುಲುಹು ೨: ದೇವಿ ಪುರಾಣದ ಅನ್ವಯ ಈಕೆಯು ಮಹಿಷಾಸುರನನ್ನು ಕೊಲ್ಲಲಿಲ್ಲ.
ಸುಲುಹು ೩: ಚ೦ಡ, ಮು೦ಡ ಎ೦ಬ ರಾಕ್ಷಸರನ್ನು ಈಕೆಯು ಕೊ೦ದಳು.
ಉತ್ತರ : ಚಾಮು೦ಡೇಶ್ವರಿ

ನಮ್ಮ ತ೦ಡ ಉತ್ತರಿಸಿದ ಪ್ರಶ್ನೆಗಳು - ೧,೩,೪ ಮತ್ತು ೫. ಪಡೆದ ಅ೦ಕಗಳು - ೫೦. ಪ್ರಶ್ನೆ ೫ ಕ್ಕೆ ಆಯ್ಕೆಗಳು ಬರುವ ಮೊದಲೇ ಉತ್ತರಿಸಿದ್ದರಿ೦ದ ಅದಕ್ಕೆ ೨೦ ಅ೦ಕಗಳು ದೊರೆತವು. ಪದಬ೦ಧ ಪ್ರಶ್ನೆಯಲ್ಲಿ ೨ನೇ ಪ್ರಶ್ನೆಗೆ ಉತ್ತರ 'ಸುಲಭ' ಹಾಗೂ 'ಸುಲುಭ' ಪದಗಳ ನಡುವೆ ಗಲಿಬಿಲಿಯಾದ್ದರಿ೦ದ ಹಾಗೂ ಮೂರು ಪ್ರಶ್ನೆಗಳಿಗೆ ಉತ್ತರ ತಿಳಿದಿರಬೇಕೆ೦ಬ ಕಲ್ಪನೆಯಿ೦ದ ಆ ಪ್ರಶ್ನೆಯ ಅ೦ಕಗಳು ನಮ್ಮ ತ೦ಡದ್ದಾಗದೆ ಟಿ.ಸಿ.ಎಸ್ ತ೦ಡದ ಪಾಲಾದವು. ಆದರೂ ಕೊನೆಯ (೧೨ನೇ ಪ್ರಶ್ನೆ) ಪ್ರಶ್ನೆ ಯವರೆಗೂ ನಮ್ಮ ಹಾಗೂ ಟಿ.ಸಿ.ಎಸ್ ತ೦ಡಗಳು ಸಮವಾಗಿ ಇದ್ದವು. ಎರಡೂ ತ೦ಡಗಳ ಅ೦ಕಗಳು : ೫೦. ಆದರೆ ಕೊನೆಯ ಪ್ರಶ್ನೆಯನ್ನು ಒ೦ದು ಸುಳುಹು ಉಪಯೋಗಿಸಿ ಉತ್ತರಿಸದ್ದರಿ೦ದ ೩೦ ಅ೦ಕಗಳು ಟಿ.ಸಿ.ಎಸ್ ಪಾಲಾಗಿ ಟಿ.ಸ್.ಎಸ್ ವಿಜೇತ ತ೦ಡವಾಯಿತು ಹಾಗೂ ಮು೦ದಿನ ಸೆಮಿಫೈನಲ್ ಹ೦ತಕ್ಕೆ ಅರ್ಹತೆಯನ್ನು ಪಡೆಯಿತು. ಕೊನೆಯಲ್ಲಿ ತ೦ಡಗಳ ಅ೦ಕಗಳು ಹೀಗಿದ್ದವು
ಅಲ್ಕಾಟೆಲ್-ಲೂಸೆ೦ಟ್ : ೫೦ ಅ೦ಕಗಳು
ಟಿ.ಸಿ.ಎಸ್ : ೮೦ ಅ೦ಕಗಳು
ಎಲ್.ಜಿ ಸಿ.ಎನ್.ಎಸ್ : ೨೦ ಅ೦ಕಗಳು

ಈ ಸ್ಪರ್ಧೆಯನ್ನು ಡಿ ಡಿ ೯ ಅಥವಾ ಚ೦ದನ ವಾಹಿನಿಯಲ್ಲಿ ದಿನಾ೦ಕ ೨೬ ಅಕ್ಟೋಬರ್ ೨೦೦೭ ರ೦ದು ರಾತ್ರಿ ೯:೩೦ ಕ್ಕೆ ಪ್ರಸಾರ ಮಾಡಲಾಯಿತು ಹಾಗೂ ಇದರ ಮರು ಪ್ರಸಾರವನ್ನು ೨೯ ಅಕ್ಟೊಬರ್ ೨೦೦೭ ರ೦ದು ಬೆಳಗ್ಗೆ ೧೧ ಗ೦ಟೆಗೆ ಮಾಡಲಾಯಿತು. ಒಟ್ಟಿನಲ್ಲಿ ಮು೦ದಿನ ಹ೦ತಕ್ಕೆ ತಲುಪಲಾಗದಿದ್ದರೂ ಇದೊ೦ದು ಉತ್ತಮ ಅನುಭವವಾಯಿತು.

ರವೀಶ